ოჯახში ძალადობის მსხვერპლთა დასახმარებლად, რომელთა აბსოლუტური უმრავლესობა ქალია, 2023 წლის 1 იანვრიდან დღემდე, გორის მუნიციპალიტეტის ბიუჯეტიდან 7000 ლარი დაიხარჯა. აღნიშნული თანხის ფარგლებში ფულადი დახმარება, 350 ლარის ოდენობით, 20-მა ქალმა ბენეფიციარმა მიიღო.
“ქვეპროგრამის ფარგლებში ოჯახში ძალადობის მსხვერპლთა თავშესაფარში მყოფ პირს/ოჯახს, თავშესაფრის დატოვების შემდეგ დამოუკიდებელი ცხოვრებისა და სოციალური ინტეგრაციის ხელშეწყობის მიზნით გაეწია დახმარება – 350 ლარის ოდენობით. პროგრამის მიზანია, მოსარგებლე პირთა რეაბილიტაცია და საზოგადოებაში ინტეგრაცია. ოჯახში ძალადობის მსხვერპლის სტატუსი მქონე პირები უზრუნველყოფილი არიან ერთჯერადი ფინანსური დახმარებით, მათი რეაბილიტაციის ხელშეწყობისთვის”,- აცხადებენ გორის მერიაში.
About Author
