AI გლობალური განათლების ასოციაცია კვლავ აფართოებს ინოვატორი პედაგოგების ქსელს. ცოტა ხნის წინ ასოციაციას წყალტუბოს მუნიციპალიტეტის სოფელ სორმონის საჯარო სკოლის ინგლისური ენის მასწავლებელი, საერთაშორისო ტრენერი და Ana’s English Academy-ის დამფუძნებელი, ანა ქობულაძე შეუერთდა.
ანას მტკიცედ სჯერა, რომ თანამედროვე ტექნოლოგიების, კერძოდ კი ხელოვნური ინტელექტის სწორად და პასუხისმგებლობით გამოყენება საგანმანათლებლო პროცესს სრულიად ახალ საფეხურზე აიყვანს.
როგორც ინგლისური ენის სპეციალისტი და საერთაშორისო ტრენერი, ანა ქობულაძე ყოველდღიურ პრაქტიკაში სიახლეების დანერგვას განსაკუთრებულ მნიშვნელობას ანიჭებს. მისი ხედვით, ტექნოლოგიური პროგრესი მასწავლებლის მთავარი მოკავშირეა:
„როგორც ინგლისური ენის მასწავლებელი, საერთაშორისო ტრენერი და Ana’s English Academy-ის დამფუძნებელი, მჯერა, რომ ხელოვნური ინტელექტი განათლების მომავლის განუყოფელი ნაწილია და მისი პასუხისმგებლიანი ინტეგრირება სწავლების ხარისხს მნიშვნელოვნად აუმჯობესებს.“
ანა ქობულაძისთვის ასოციაციის წევრობა არის სივრცე, რომელიც მას კოლეგებთან გლობალური გამოცდილების გაზიარებისა და ახალი, თანამედროვე მიდგომების პრაქტიკაში გადმოტანის საშუალებას მისცემს:
„AI გლობალური განათლების ასოციაციის წევრობა ჩემთვის არის შესაძლებლობა, გავიზიარო პროფესიული გამოცდილება, შევისწავლო თანამედროვე საგანმანათლებლო პრაქტიკა და საერთაშორისო თანამშრომლობით შევქმნა უფრო ინოვაციური და მოსწავლეზე ორიენტირებული სასწავლო გარემო.“
ეს ნაბიჯი კიდევ ერთხელ ადასტურებს, რომ ქართველი პედაგოგები აქტიურად ცდილობენ ფეხი აუწყონ გლობალურ საგანმანათლებლო ტენდენციებს, რათა საკუთარ მოსწავლეებს საუკეთესო, მომავალზე ორიენტირებული ცოდნა შესთავაზონ.
About Author
