სოფლად მცხოვრები ქალების დღეს გორში ფილმების პრეზენტაცია გაიმართა. 2 – ვე ფილმი “ქართული მედია ჯგუფის” დამფუძნებლებს ნინო ჩიბჩიურს და ლელა ლობჟანიძეს ეკუთვნით. ნინო ჩიბჩიურმა ფილმში “მერი” მიგრაციის პრობლემა და ქალთა მასიური გადინება წარმოაჩინა, ხოლო “რას ცვლის ნარგიზა?” აზერბაიჯანულ სოფელ ფერმაში ქალთა ყოფა-ცხოვრებას ეხება. მისმა ავტორმა, ლელა ლობჟანიძემ ერთი სოფლის მაგალითზე უმცირესობაში მყოფი ქალების პრობლემები გააცნო საზოგადოებას.
ფილმების ჩვენებას ჟურნალისტები და ადგილობრივი არასამტავრობო ორგანიზაციების წარმომადგენლები დაესწრნენ და ვითარების შესაცვლელად არსებული შესაძლებლობები განიხილეს.
